Cafè rumantsch daja sco proget da la Lia Rumantscha in tuot il territori rumantsch, ma eir illa diaspora fin giò San Galla e Basilea. I’l territori vallader sun quists arrandschamaints ün’instituziun, eir perquai cha quia sun quai occurrenzas da minch’eivna. E quai sur trais, nouv o dafatta dudesch mais l’on. Ed adonta da la situaziun difficila dürant ils ultims 22 mais han las manadras, ils manaders, provà da mantgnair uschè bler co pussibel. Tuottüna haja dat müdamaints.
Id ha dat ün Cafè rumantsch sü Guarda – intant üna stà. Il Cafè rumantsch ad Ardez nun es intant in ün cafè o restorant, dimpersè in Chasa cumünala. Il Cafè rumantsch in Val Müstair nu s’ha remiss, davo cha’ls manaders til han stuvü interrumper – amo! Il Cafè rumantsch a Ftan vess pers seis suot tet – bod! Il Cafè rumantsch a Scuol ha fat müdada in ün oter restorant. Il Cafè rumantsch virtual es gnü introdüt cur cha tuot d’eira serrà i’l muond analog ed ha uossa ün ritem mensil. Il Tavulin a da Tschlin nun es mai propcha stat ün Cafè rumantsch, ma tuottüna üna buna pussibiltà per discuter ed as barattar per rumantsch.
Dürant quist on less la Lia Rumantscha fabrichar sü üna sporta da Cafè rumantsch special ed eir spordscher Cafè rumantsch per famiglias. Quistas sportas vegnan organisadas sur tuot l’intschess ladin ed ingio cha quai es pussibel natüralmaing cun manadras e manaders chi fan quai fingià. I dess dimena esser üna sporta cumplementara e na üna da concurrenza.
Cafè rumantsch po esser üna pütta importanta schi va per integrar seguond-indigenas o nouv-residents. Chi vegnan da l’Ungaria, da Friburg, dal Partens o dal cumün vaschin. Cura ed ingio cha’l prossem Cafè rumantsch es, chattais in quist magazin, süllas tablas electronicas in Vossa fracziun, i’l chalender d’arrandschamaints virtual o cun seguir a @liarumantscha süllas medias socialas.
Dal rest: Il Cafè rumantsch cuosta, ma be il cafè cha Vus bavais! Ed eir minchün*a chi sa o discuorra jent rumantsch es bainvis*sa…
Cafè Rumantsch bietet seit Jahrzehnten die Möglichkeit, Rumantsch Vallader im Unterengadin und in der Val Müstair zu üben. In gemütlicher Runde bei einer guten Tasse Kaffee, Tee oder einem Glas (Zucker-)Wasser. Diese Anlässe sind kein Ersatz für die Romanisch Kurse sondern vielmehr eine willkommene Ergänzung dazu. Man sollte also ein bisschen Rätoromanisch, vorzugsweise ein ladinisches Idiom wie Vallader, Jauer (oder auch Puter), können.
In Scuol stehen Inputs, meist in Form von interessanten Kurzvorträgen zu Beginn der Diskussion. In Ftan und Ardez sind es aktuelle Zeitungsartikel, Prosa oder Lyrik und überall sind Beiträge von Teilnehmenden sehr willkommen. In der Val Müstair steht der Cafè Rumantsch vor einem Neuanfang und vielleicht blüht er in Guarda auch wieder auf.
Angaben zu Ort und Zeit finden sich im ALLEGRA oder Online-Veranstaltungskalender sowie auf den Social Media Kanälen der Lia Rumantscha. Also bis bald auf eine gute Tasse Kaffee.
