Daspö passa desch ons, adüna da mai fin november, ha Rolf Hüsser lavurà mincha di in seis atelier a Ftan. L’anteriur pastizier e cuschinunz s’ha dedichà a la pittura naïva ed ha s-chaffi üna pruna d’ouvras da taimpra tuot speciala. Uossa, pac davo avair cumpli 80, sto’l renunzchar a la pittura, e quai per motivs da sandà.
Il cuolp da destin decisiv
«Cumanzà ha tuot cun quist disegn qua», quinta Rolf Hüsser e muossa üna skizza fatta cun craida da charbun. El tilla ha fatta amo a l’ospidal. Che d’eira capità? Da stà dal 2002 ha’l tschüf ün ferm infarct dal cour. La skizza illustrescha seis cumbat cunter la mort ch’el, cun agüd dals meidis e da sia ferma voluntà, ha vendschü. Rolf Hüsser manaja: «Eu n’ha tschüf regalà üna seguonda vita». In sia prüma vita ha’l lavurà illa gastronomia sco pastizier e cuschinunz e lura pro üna ditta indigena da reciclar. Davo il cuolp da destin s’ha’l orientà da nouv. Per furtüna as vaiva’l, dürant seis giarsunadi, laschà instruir illa pittura e’l disegn. Ed el ha dat man rispli e pinel.
L’ögl dret nu voul far bön
Rolf Hüsser s-chaffischa sias ouvras cun copchar fotografias e disegns e tils dar nouva vita. Il material es different e va da la platta da vaider sur la scorza da lain fin pro’l palperi. I’s tratta d’üna lavur fich fina e precisa. «I voul ün man quiet ed ün fich bun ögl per ir davo a las lingias e per culurir ils detagls», declera Rolf sia tecnica da lavur. Pro sias ouvras plü grondas toccan linternas. Ils vaiders culurits cun acril glüschan illa not s-chüra e paran da s-chodar las fraidas nots d’inviern. Duos gronds purtrets ha’l fat da Ftan e da Guarda: differentas parts dal cumün ha’l copchà e lura pitturà. Els han la fuorma da rombus respectiv da rinchs. Per Hüsser nun es be il purtret sco tal important: « Pro’l purtret voula eir il dret rom, perche be uschea vain el miss in evidenza sco chi tocca». Malavita però til lascha daspö alch temp l’ögl dret in imbarraz. «Eu nu vez plü bain avuonda per lavurar precis», disch el tuot trist. Perquai ha’l decis da rafüdar da disegnar in seis atelier e da til serrar a la fin d’october. Pitturar pitturarà’l eir inavant, però be a chasa.
Der Hobby- Künstler verabschiedet sich
Rolf Hüsser, in Stäfa aufgewachsen, hat Bäcker-Konditor, Confiseur und Koch gelernt. 30 Jahre lang hat er in der Gastronomie gearbeitet und dann in der Entsorgung von Sonderabfall. Im Jahre 2002 erlitt eir einen schweren Herzinfarkt. Als ideale Therapie zur Erholung erwies sich seine Leidenschaft für das Zeichnen und Malen, deren Technik er schon in der Lehre erlernt hatte. In den letzten 20 Jahren hat er zahlreiche Werke geschaffen, die man der naiven Kunst zuordnen kann. Diese Präzisionsarbeit bedingt eine ruhige Hand und ein scharfes Auge. Leider hat die Sehschärfe beim kürzlich 80 Jahre alt gewordenen Künstler dermassen gelitten, dass er sein Hobby nicht mehr in der gewohnten Form ausüben kann. Deshalb hat er sich entschlossen, sein Atelier in Ftan endgültig zu schliessen. Aber daheim wird er noch weiterhin malen.
Bis Ende Oktober können diverse Exponate zu günstigen Preisen erworben werden.
